Lan hau burutzeko hiruko taldeak osatuko dituzue gelan eta elkarlana ezinbestekoa izango da helburua lortzeko. Orain lanari ekingo diozue eta horretarako hurrengo jarduerak egin behar dituzue:
1. jarduera: Thales ezagutzea.
Jarduera honetan Miletoko Thalesi elkarrizketa egin behar diozue eta galdera-erantzunen bidez bere bizitzako eta bere laneko datu aipagarrienak jaso behar dituzue.
2. jarduera: Lanaren zirriborroa
Taldeko koadernoan eskatutako altuerak lortzeko bidea azaldu behar duzue, marrazkien laguntzarekin jarraitu beharreko pauso guztiak argi azalduz.
Zirriborroa ontzat emateko urrats hauek jarraitu behar dira:
· Sarrera : urrats honetan neurtzeko zein metodo aukeratu duzuen eta zergatik azaldu behar duzue.
· Baliabideak: Aukeratutako metodoa aurrera eramateko behar dituzuen baliabideak aipatu.
· Metodoaren deskripzio teorikoa: protokoloa egin, jarraitu beharreko urrats guztiak pausoz pauso azalduz. Azalpenak egiteko marrazkiak, irudiak, argazkiak, eskemak... erabili.
3. jarduera: Neurketak
Kalera irten eta zuen zirriborroan markatutako lana burutzeko behar diren neurketak egin.
4. jarduera: Txostena bukatu
Neurketak egin ondoren altuerak kalkulatu eta txostena bukatuko duzue.
Txostena ontzat emateko urrats hauek jarraitu behar dira:
-
Neurriak protokoloan ezartzea: Protokoloko marrazki, irudi, argazki, eskemetan jasotako neurriak idatzi.
-
Metodoa aurrera eramatea: Aukeratutako metodoa aurrera eraman jaso dituzuen neurriekin eta behar diren kalkulu guztiak egin soluzioak lortu arte.
-
Emaitzak ematea.
-
Ondorioak: Lan honetan ikasi duzuena azaltzea.
5. jarduera: Gure ikuspegia zabaltzeko bideoak
Ikusi Thalesen teoremaren aplikazioei buruzko 3 bideo. Aukeratu bat eta bideoan azaltzen dena pausoz pauso idatzi “lan prozedura” moduan (adibidea ikusteko klikatu hemen) eta gelaren aurrean ahozko aurkezpena egin.
